باچا خان ایئرپورٹ 22 اکتوبر تک کیلیے بند، پروازیں منسوخ

خیبرپختونخوا کے دارالحکومت پشاور میں قائم باچا خان انٹرنیشنل ایئر پورٹ کو مرمتی کام کے باعث 22 اکتوبر تک بند کر دیا گیا۔

انتظامیہ کے مطابق رن وے کی تعمیر و مرمت کے سبب باچا خان ایئر پورٹ کو بند کیا گیا ہے۔ ایئر پورٹ انتظامیہ کا کہنا ہے کہ تعمیری و مرمتی کام کے باعث بیشتر پروازیں منسوخ کر دی گئی ہیں جبکہ متعدد کو اسلام آباد منتقل کر دیا گیا ہے۔

انتظامیہ نے مسافروں سے پریشانی پر معذرت کرتے ہوئے کہا ہے کہ رن وے کا کام مقررہ وقت پر مکمل کرلیا جائے گا۔