بھارتی طیاروں کیلیے پاکستانی فضائی حدود پر پابندی میں توسیع

پاکستان نے بھارت کے لیے فضائی حدود بندش میں مزید توسیع کردی۔

پاکستان ایئرپورٹ اتھارٹی کی جانب سے جاری اعلامیے کے مطابق پاکستان نے بھارتی طیاروں کے فضائی بندش میں 23 دسمبر  تک توسیع کی ہے،

پاکستان ایئرپورٹ اتھارٹی نے  بھارتی طیاروں کے لیے فضائی بندش میں توسیع کا نیا نوٹم جاری کردیا۔

نوٹم میں کہا گیا ہے کہ تمام بھارتی مسافر اور ملٹری طیاروں کے لیے پاکستان کی فضائی حدود بند رہے گی۔

واضح رہے کہ پاکستان نے بھارت کے لیے 23 اپریل 2025 سے فضائی حدود بند کی ہوئی ہے، جس کی وجہ سے بھارتی ایئرلائنز کو اب تک اربوں روپے کے نقصان کا سامنا کرنا پڑ چکا ہے۔