بحیرہ عرب میں سمندری طوفان کے حوالے سے پانچواں الرٹ جاری

کراچی : شمال مشرقی بحیرہ عرب میں سمندری طوفان اسنیٰ کے حوالے سے پانچواں الرٹ جاری کردیا گیا ہے۔

ذرائع کا کہنا ہے کہ سندھ کے ساحل سے شمال مشرقی بحیرہ عرب پر آنے والا سمندری طوفان اسنیٰ گزشتہ 6 گھنٹوں کے دوران مغرب کی جانب بڑھا ہے۔

 سمندری طوفان کا فاصلہ کراچی سے تقریباً 120 کلومیٹر،ٹھٹھہ سیفاصلہ 180کلومیٹر ہے ، جو  بلوچستان کے ساحلی مقام اورماڑہ سے طوفان کا فاصلہ 250 کلومیٹر جبکہ گوادر سے 440 کلومیٹر ہے۔

سمندری غیرمعمولی سرگرمی ابتداء میں مغرب/ شمال مغرب اور پھر مغرب/جنوب مغرب کی جانب بڑھنے کا امکان ہے۔

اس کے زیراثرکراچی ڈویژن، بدین، ٹھٹھہ، سجاول، حیدرآباد، ٹی ایم خان، ٹی اے یار، مٹیاری، جامشورو اور 60 سے 70 کلومیٹر فی گھنٹہ کی رفتار سے تیز ہواؤں کے ساتھ گرج چمک کے ساتھ بارش اور گرج چمک کے ساتھ بارش کا امکان ہے۔

سندھ کے اضلاع دادو میں 31 اگست تک جبکہ بلوچستان کے حب، لسبیلہ، آواران، کیچ اور گوادر اضلاع میں ایک ستمبر تک بارش کا امکان ہے۔

شدید بارشوں سے مکران کے ساحلی علاقوں میں نشیبی علاقوں میں پانی جمع ہو سکتا ہے، 80 کلومیٹر فی گھنٹہ کی رفتار سے تیز ہواؤں کے ساتھ سمندر ناہموار/بہت ناہموار رہنے کا امکان ہے۔

محکمہ موسمیات کا کہنا ہے کہ سندھ کے ماہی گیروں کو 31 اگست اور بلوچستان کے ماہی گیروں کو 1 ستمبر تک سمندر میں نہ جانے کی ہدایت کی گئی ہے۔ پی ایم ڈی کا سائکلون وارننگ سینٹر، کراچی اس سسٹم کی قریب سے نگرانی کر رہا ہے۔