بجلی کی قیمت میں 20 روپے فی یونٹ کمی کا فارمولا تیار

حکومت نے بجلی کی قیمت میں 20 روپے فی یونٹ تک کمی کا فارمولا تیار کرلیا ہے۔

تفصیلات کے مطابق وفاقی حکومت نے آئی پی پیز کے ساتھ معاہدوں پر نظرثانی کے تحت بجلی کی فی یونٹ قیمت میں کمی کی سمری تیار کی ہے۔

حکومت نے معاہدوں پر نظرثانی کے بعد ٹیکس سرچارج میں بھی کمی کا فیصلہ کیا ہے جس کی سمری تیار کرلی گئی ہے۔

ذرائع کا کہنا ہے کہ حکومت نے فارمولا تیار کرلیا ہے اور امکان ہے کہ مارچ میں بجلی سستی ہوجائے۔ 

بجلی کی قیمت کم ہونے کا براہ راست فائدہ گھریلو صارفین کو ہوگا تاہم اس کا حتمی فیصلہ وزیراعظم کریں گے جبکہ کابینہ سے بھی اس کی منظوری لی جائے گی۔