بلوچستان طالب علم اغوا کیس میں 13ویں روز پیشرفت، 2 گرفتار

بلوچستان کے دارالحکومت کوئٹہ سے 13 روز قبل اسکول سے واپسی پر اغوا ہونے والے کمسن بچے مصور کاکڑ کے کیس میں بڑی پیشرفت ہوئی ہے۔

تفصیلات کے مطابق مغوی بچہ محمد مصور کاکڑ کی تیرہویں روز بھی عدم بازیابی پر لواحقین ودیگر سیاسی وتاجر تنظیموں کا دھرنا بدستور جاری ہے۔

تفتیش میں اب پیشرفت یہ ہوئی ہے کہ پولیس نے اغوا کاروں کو گھر کرایے پر دینے کے الزام میں مالک مکان اور پراپرٹی ڈیلر کو گرفتار کرلیا ہے جبکہ ملزمان کے خلاف مقدمہ درج کر کے مزید تحقیقات کی جارہی ہیں۔