بلاول بھٹو 36 برس کے ہوگئے

کراچی: پاکستان پیپلزپارٹی کے چیئرمین بلاول بھٹو زرداری 36 برس کے ہوگئے، سالگرہ بلاول ہاؤس میں منائی گئی۔

چیئرمین بلاول بھٹو زرداری نے بی بی آصفہ بھٹو زرداری اور پی پی پی شعبہ خواتین کی مرکزی صدر فریال تالپور کے ہمراہ اپنی سالگرہ کا کیک کاٹا۔ سالگرہ کی تقریب میں وزیراعلی سندھ سید مراد علی شاہ، سابق وزیراعلی سید قائم علی شاہ اور  پی پی پی اراکین صوبائی و قومی اسمبلی اور سینیٹرز نے شرکت کی۔

چیئرمین بلاول بھٹو زرداری کو پی پی پی سندھ کے صدر نثار کھوڑو، جنرل سیکریٹری وقار مہدی، سیکریٹری اطلاعات عاجز دھامرا سمیت دیگر تنظیمی عہدیداران، اراکین پارلیمان نے سالگرہ کی مبارک باد دی۔