بریکنگ نیوز: کرم میں جاری تنازع حل ہوگیا، امن معاہدے پر دونوں فریقین کے دستخط

خیبرپختونخوا کے ضلع کرم کی صورتحال پر 3 ہفتے سے جاری گرینڈ جرگہ ختم ہوگیا ہے۔ 

میڈیا رپورٹ کے مطابق کرم امن معاہدہ طے پاگیا ہے اور فریقین نے معاہدے پر دستخط کردئے ہیں۔ فریقین کے درمیان معاہدے کا اعلان پشاور گورنر ہاؤس میں ہوگا۔ 

میڈیا رپورٹ کے مطابق فیصلہ کیا گیا ہے کہ سیز فائر ہوگا، گھروں میں بغیر لائسنس کے اسلحہ نہیں رکھا جائے گا۔

خٰیبرپختونخوا حکومت نے امن معاہدے پر دستخط کی تصدیق کردی جس کے بعد اب اس پر کل سے عمل شروع ہوجائے گا اور فریقین بھاری و جدید غیر قانونی ہتھیار رضاکارانہ طور پر جمع کروائیں گے۔