دفاع کیلیے 2 ہزار ارب سے زائد، صحت کیلیے 27 ارب روپے بجٹ کی تجویز

وفاقی حکومت نے نئے مالی سال 2024-2025 کیلیے دفاعی بجٹ 2 ہزار ارب سے زائد مختص کردیا جبکہ صحت کیلیے 27 ارب روپے کا بجٹ مختص کیا گیا ہے۔

وزیر خزانہ محمد اورنگزیب نے قومی اسمبلی میں آئندہ مالی سال کا بجٹ پیش کردیا۔ جس میں آئندہ مالی سال کیلیے دفاعی بجٹ میں269.471 ارب روپے اضافے کی تجویز دی گئی ہے۔

 دفاع و دفاعی خدمات کیلئے2128.781 ارب روپے مختص کرنے کی تجویز دی گئی ہے جبکہ پچھلے سال کا نظر ثانی شدہ دفاعی بجٹ 1859.31ارب روپے تھا۔ سول انتظامیہ کے لیے 847 ارب، پنشن کے لیے 1014 ارب اور بجلی و گیس کی سبسڈی کی مد میں 1013 روپے رکھے گئے ہیں۔

اس کے علاوہ حکومت نے آئندہ مالی سال کے بجٹ میں وزارت صحت کیلئے 27 ارب روپے کا بجٹ مختص کرنے کی تجویز دی گئی ہے۔