فیض حمید کے خلاف تحقیقات کا دائرہ وسیع، مزید تین فوجی افسران گرفتار

پاک فوج کے ترجمان نے ٹاپ سٹی ہاؤسنگ اسکیم سمیت دیگر الزامات پر گرفتار سابق ڈی جی آئی ایس آئی فیض حمید سے تحقیقات کے سلسلے میں پیشرفت سے آگاہ کیا ہے۔

پاک فوج کے شعبہ تعلقات عامہ (آئی ایس پی آر) کی جانب سے جاری اعلامیے میں بتایا گیا ہے کہ لیفٹیننٹ جنرل (ر) فیض حمید کے خلاف  کارروائیوں کے سلسلے میں تین ریٹائرڈ افسران بھی فوجی حراست میں ہیں۔

آئی ایس پی آر کے مطابق ان افسران نے فوجی نظم و ضبط کے خلاف کام کیے جن کے خلاف تحقیقات جاری ہیں۔

اعلامیے میں کہا گیا ہے کہ حراست میں لیے گئے افسران نے بعض ریٹائرڈ افسران اور ساتھیوں کے ساتھ ملی بھگت کر کے سیاسی عدم استحکام پیدا کرنے کی کوشش کی۔