فیض حمید اور ساتھیوں کی گرفتاری پر امریکا کا ردعمل

امریکہ محکمہ دفاع پینٹاگون کی پریس سیکریٹری سبرینا سنگھ نے پاکستانی خفیہ ایجنسی کے سابق سربراہ اور اُن کے ساتھیوں کی گرفتاری پر ردعمل دے دیا۔

پینٹاگون نے  سابق فوجی افسران کی گرفتاریوں کو پاکستان کا اندرونی معاملہ قرار دے دیا۔ سبرینا سنگھ نے کہا کہ گرفتاریوں سے متعلق رپورٹس سے آگاہ ہیں، امریکا علاقائی استحکام اور باہمی مقاصد کی حمایت کے لیے پاکستان کے ساتھ مل کر کام کے لیے پرعزم ہے۔

پریس سیکریٹری نے مزید کہا کہ امریکا پاکستان کیساتھ باہمی مفادات کی بنیاد پر فوجی اور سویلین رہنماؤں کے ساتھ بات چیت کرتا ہے۔