گرمی میں اموات، سندھ حکومت کا تحقیقات کے بعد کے الیکٹرک کے خلاف مقدمہ درج کرانے کا عندیہ

وزیر داخلہ سندھ ضیا الحسن لنجار نے شہر میں شدید گرمی کے دوران شہریوں کی تیزی سے بڑھتی اموات پر تشویش اور افسوس کا اظہار کرتے ہوئے کے الیکٹرک کے خلاف قتل کے مقدمات درج کرانے کا عندیہ دے دیا۔

تفصیلات کے مطابق وزیر داخلہ نے شہریوں کی گزشتہ چند دنوں میں اچانک سے جاں بحق ہونیکے واقعات پر دکھ اور افسوس کا اظہار کرتے ہوئے کہا کہ شہریوں کی اموات کی انکوائری کی گئی ہے جس میں موت کی وجہ جاننے جائے گی۔

انہوں نے کہا کہ اگر تحقیقات میں یہ بات سامنے آئی کہ بجلی کی لوڈشیڈنگ شہریوں کے اموات کی مرکزی وجہ ہے تو کراچی الیکٹرک پر ذمہ داری عائد کی جائیگی۔

ضیاء الحسن لنجار نے کہا کہ کراچی الیکٹرک کے منتظمین اور ذمہ داران پر قتل کے مقدمات درج کیے جائیں گے۔