غیرملکی خاتون بائیکر سیاح سے نامناسب سوال پوچھنے پر پولیس اہلکار معطل

خیبرپختونخوا کے ضلع بٹگرام میں ایک غیر ملکی خاتون بائیکر سے نامناسب سوالات پوچھنے پر ایک پولیس اہلکار کو معطل کر دیا گیا ہے۔

انٹرنیٹ پر ویڈیو وائرل ہونے کے بعد ڈی پی او بٹگرام نے واقعے کا نوٹس لیتے ہوئے فوٹیج میں نظر آنے والے اہلکار کو معطل، جبکہ تین دیگر کے خلاف تحقیقات کا حکم دیا۔

پولیس حکام کے مطابق باقی تین اہلکاروں کے خلاف تحقیقات جاری ہیں اور اگر وہ بھی اس میں ملوث ہوئے تو سزا کے حقدار ٹھہریں گے۔

ہالینڈ سے تعلق رکھنے والی بائیک رائیڈر نورالی کو پولیس کی متعدد ٹیموں نے روکا اور ان سے تفتیش کی، جس دوران ان سے ذاتی نوعیت کے سوالات بھی کیے گئے، جیسے کہ 37 سال کی عمر میں شادی نہ کرنے کی وجہ اور ان کے شوہر کے بارے میں۔

ان غیر ضروری سوالات پر خاتون رائیڈر نے اپنی ناگواری کا اظہار کیا۔