حکومت نے پیٹرولیم مصنوعات کی نئی قیمتوں کا اعلان کردیا

اسلام آباد: وفاقی حکومت کی جانب سے آئندہ 15 روز کے لیے پیٹرولیم مصنوعات کی قیمتوں میں کمی کا اعلان کردیا۔

ذرائع کے مطابق حکومت نے آئندہ 15 روز کے لیے پیٹرول کی  فی لیٹر قیمت میں 50 پیسے کمی کا اعلان کیا ہے، پیٹرول کی نئی فی لیٹر قیمت 255 روپے 63 پیسے ہوگئی۔

ہائی اسپیڈ ڈیزل کی نئی قمیت 258 روپے 64 پیسے فی لیٹر ہوگی،ہائی اسپیڈ ڈیزل کی قیمت میں 5 روپے 31 پیسے فی لیٹر کمی کا اعلان کیا گیا ہے۔

حکومت نے مٹی کے تیل کی قیمت میں 3 روپے 53 پیسے فی لیٹر کمی کا اعلان کیا ہے، جس کے بعد مٹی کے تیل کی نئی قیمت  168 روپے 12 پیسے فی لیٹر ہوگئی۔

جاری کردہ نوٹیفکیشن میں کہا گیا ہے کہ لایٹ ڈیزل کی قیمت میں 2 روپے 47 پیسے فی لیٹر کمی کا اعلان کیا گیا ہے، لایٹ ڈیزل آیل کی نئی قیمت 153 روپے 34 پیسے فی لیٹر ہوگی۔

پیٹرولیم مصنوعات کی قیمتوں میں رد و بدل کا اطلاق آج رات 12 بجے سے ہوگا۔