حکومت نے پیٹرولیم مصنوعات کی قیمتوں میں اضافہ کردیا

عید سے قبل وفاقی حکومت کی جانب سے عوام پر مہنگائی بم گرادیا گیا، پیٹرولیم مصنوعات کی قیمتوں میں بڑا اضافہ کردیا۔

ذرائع کے مطابق حکومت نے پیٹرولیم مصنوعات کی قیمتوں میں ردوبدل کا اعلان کردیا ہے۔ عوام پر مزید بوجھ ڈالتے ہوئے پٹرول 9 روپے 66 پیسے فی لٹرمہنگا کردیا گیا ہے۔

ڈیزل کی قیمت میں بھی تبدیلی کرتے ہوئے اس کی قیمت میں 3 روپے 32 پیسے فی لیٹر کمی کردی گئی ہے۔

وفاقی حکومت کی جانب سے پٹرول کی قیمت میں اضافے اور ڈیزل کی قیمت میں کمی کا نوٹی فکیشن جاری کردیا گیا ہے جس کا اطلاق یکم اپریل رات 12 بجے سے کردیا جائے گا۔

نوٹیفکیشن میں کہا گیا ہے کہ پیٹرول کی نئی قیمت 289 روپے 41 پیسے جبکہ ڈیزل کی نئی قیمت282 روپے 24 پیسے ہوگئی ہے.