جلسہ کرنے پر پی ٹی آئی رہنماؤں کیخلاف بغاوت کا مقدمہ درج

پاکستان تحریک انصاف کے رہنما شہریار آفریدی، شاندانہ گلزار سمیت دیگر کے خلاف بغاوت کا مقدمہ درج کیا گیا ہے۔

تفصیلات کے مطابق بلوچستان کے علاقے بوستان میں جلسہ کرنے پر تحریک انصاف کے رہنماؤں سمیت کارکنان کے خلاف بغاوت کا مقدمہ درج کیا گیا ہے۔

مقدمہ لیویز کے تھانہ بوستان میں سرکاری اہلکار کی مدعیت میں درج کیا گیا اور اُس میں بغاوت پر اکسانے ریاست اور اداروں کے خلاف نفرت انگیز تقاریر کرنے کی دفعات شامل کی گئی ہے۔

واضح رہے کہ تحریک انصاف کی قیادت نے چمن میں کئی روز سے احتجاج پر بیٹھے مظاہرین سے یکجہتی کے لیے جلسے کا انعقاد کیا تھا جس میں شہریار آفریدی، شاندانہ گلزار، حلیم عادل شیخ نے خطاب کیا تھا۔