جماعت اسلامی کا نئی نمبر پلیٹس کیخلاف ریلی نکالنے کا اعلان

جماعت اسلامی نے سندھ حکومت کے نئی نمبر پلیٹس کے خلاف ریلی نکالنے کا اعلان کیا ہے۔

جماعت اسلامی کراچی کے ترجمان کی جانب سے جاری بیان میں کہا گیا ہے کہ  کل بروز اتوار 13 جولائی کو سندھ حکومت کی جاری کردہ نئی “اجرک ڈیزائن نمبر پلیٹ” کے خلاف ریلی نکالی جائے گی۔

ترجمان کے مطابق ریلی کا آغاز شام 5 بجے ناظم آباد نمبر 7 سے ہوگا اور شہر کے مختلف علاقوں سے ہوتی ہوئی پریس کلب پہنچے گی۔

ریلی کا مقصد شہریوں پر زبردستی نئی نمبر پلیٹس مسلط کرنے اور پرانی پلیٹس پر جرمانوں کے خلاف احتجاج ریکارڈ کرانا ہے۔

جماعت اسلامی رہنماؤں کا کہنا ہے کہ یہ اقدام عوامی سہولت کے بجائے آمدنی بڑھانے کی اسکیم ہے۔

دوسری جانب ٹریفک پولیس اور شہریوں سے محتاط ڈرائیونگ اور متبادل راستوں کے استعمال کی اپیل بھی کی گئی ہے۔

ترجمان جماعت اسلامی نے واضح کیا ہے کہ اس ریلی کو نمبر پلیٹ نہیں بلکہ پانی کا نام دیا گیا ہے کیونکہ شہر میں پانی کی بہت زیادہ قلت ہے۔