جنگ بندی کے باوجود بھارت کا سندھ طاس معاہدہ معطل رکھنے کا اعلان

بھارت نے روایتی ہٹ دھرمی کا مظاہرہ کرتے ہوئے جنگ بندی کے باوجود سندھ طاس معاہدہ معطل رکھنے کا اعلان کردیا ہے۔

غیر ملکی خبررساں ایجنسی کا کہنا ہے کہ 4 بھارتی عہدیداروں نے ایجنسی سے بات کرتے ہوئے کہا کہ جنگ بندی کے باوجود پاکستان اور بھارت کے درمیان سندھ طاس معاہدہ معطل رہے گا۔

واضح رہے کہ بھارت کی جانب سے سیز فائر کی خلاف ورزی بھی کی گئی ہے، لائن آف کنٹرول پر پاکستانی آبادی پر بلا اشتعال فائرنگ  کا سلسلہ جاری ہے۔

سیز فائر معاہدے کی خلاف ورزی کرتے ہوئے آزاد کشمیر کے ضلع بھمبھر کی شہری آبادی کو بلااشتعال فائرنگ کا نشانہ بنایا ہے، جس پر پاکستان نے بھرپور جواب دیا ہے۔