جے یو آئی نے بلوچ مظاہرین کے مطالبات کی حمایت کردی

جمعیت علما اسلام نے اسلام آباد میں چھ روز سے دھرنے پر بیٹھے بلوچ مظاہرین کے مطالبات کی حمایت کردی۔

جے یو آئی کے جنرل سیکریٹری مولانا عبدالغفور حیدری نے کہا کہ بلوچ خواتین کے طریقہ کار سے اختلاف ضرور ہوسکتا ہے مگر اُن کے مطالبات درست ہیں۔

انہوں نے کہا کہ تمام لاپتہ افراد کو عدالت میں پیش کیا جائے، آئین کے تحت ہر شہری کو اپنے حقوق کیلیے آواز بلند کرنے کا حق ہے اور بلوچ مظاہرین بھی وہی حق استعمال کررہے ہیں۔

عبدالغفور حیدری نے کہہا کہ جے یو آئی نے ہمیشہ ان مطالبات کی تائید کی اور پارلیمنٹ میں بھی لاپتہ افراد کے حوالے سے آواز اٹھائی ہے۔ ہمارا مطالبہ ہے کہ لاپتہ افراد کو عدالتوں میں پیش کیا جائے۔