کفایت شعاری مہم: ایاز صادق نے چالیس ملازمین اور سرکاری گاڑیاں واپس کردیں

اسپیکر قومی اسمبلی نے حکومت کی کفایت شعاری پالیسی پر عمل کرتے ہوئے ملازمین و گاڑیاں واپس کردیں۔

ذرائع کے مطابق ایاز صادق نے اسپیکر ہاؤس کے 40 سے زائد ملازمین قومی اسمبلی کو واپس کردیے۔ 

اس کے علاوہ انہوں نے کہا کہ مجھے زیادہ اہل کار نہیں چاہییں جبکہ سیکیورٹی کی گاڑیاں بھی کم کی جائیں۔

اسپیکر ایاز صادق نے سیکیورٹی کی چھ گاڑیاں بھی واپس کردیں اور دفتر کے تمام اخراجات کی تفصیلات طلب کرلی ہیں۔