کراچی کے مختلف علاقوں میں زلزلہ

شہر قائد کے مختلف علاقوں میں پیر کے روز 3.2 شدت کے زلزلے کے جھٹکے محسوس کیے گئے ہیں۔

تفصیلات کے مطابق شہر قائد کے مختلف علاقوں ڈیفنس، کلفٹن سمیت دیگر علاقوں میں زلزلے کے جھٹکے محسوس کیے گئے، جس کے باعث شہری خوف کے عالم میں کلمہ طیبہ کا ورد کرتے ہوئے گھروں سے باہر نکل آئے۔

زلزلے پیما مرکز کے مطابق ریکٹراسکیل پرزلزلے کی شدت 3.2ریکارڈ کی گئی۔

زلزلے کا مقام کراچی کے شمال مشرق سے 15 کلومیٹر دور جبکہ گہرائی 22 کلومیٹر ریکارڈ کی گئی۔