کراچی میں فائرنگ سے 22 سالہ فوڈ پانڈا رائیڈر جاں بحق

شہر قائد کے علاقے یونیورسٹی روڈ پر مسلح افراد کی فائرنگ سے فوڈ پانڈا رائیڈر جاں بحق ہوگیا۔

مبینہ ٹاؤن تھانے کی حدود میں پیش آنے والے واقعے پر پولیس کا کہنا ہے کہ مقتول کی عمر 22 سال اور شناخت محمد وقاص ولد حنیف کے نام سے ہوئی ہے۔

ابتدائی تفتیش میں یہ بات سامنے آئی کہ نامعلوم افراد نے نامعلوم وجہ پر وقاص کو یونیورسٹی روڈ پر واقع پی ایس او پمپ کے قریب نشانہ بنایا، جس کی لاش کو ضابطے کی کارروائی کیلیے عباسی اسپتال منتقل کردیا گیا ہے۔

پولیس کا کہنا ہے کہ قتل کے محرکات جاننے کے لیے ہر زاویے سے تحقیقات جاری ہیں۔