کراچی میں گرم ترین دن ریکارڈ

کراچی میں بدھ کو رواں سال کا گرم ترین دن ریکارڈ ہوا جبکہ جمعرات کو درجہ حرارت میں مزید اضافے کا امکان ہے۔

محکمہ موسمیات کے مطابق جمعرات کو گرمی 43 ڈگری تک جانے کا امکان ہے جبکہ بدھ کو درجہ حرارت 41.5 ریکارڈ ہوا۔

بدھ کو کم سے کم پارہ 30 ڈگری سینٹی گریڈ ریکارڈ ہوا جبکہ ہوا میں نمی کا تناسب 75 فیصد رہا ہوا، دن بھر سمندر کی جنوب مغربی ہوائیں معطل رہیں جس کی وجہ سے گرم و مرطوب دن ریکارڈ ہوا۔

اس دوران دوپہر کے وقت لو چلی جبکہ ہوا میں نمی کا تناسب زیادہ ہونے کے سبب اصل درجہ حرارت سے زیادہ گرمی محسوس ہوئی۔

محکمہ موسمیات کے مطابق شہر کا زیادہ سے زیادہ درجہ حرارت 41.5 ڈگری سینٹی گریڈ ریکارڈ ہوا جبکہ دن کے وقت نمی کا تناسب 54 فیصد ریکارڈ ہوا۔