کراچی میں میٹرک کے امتحانات، چیئرمین بورڈ نے طلبا کو خبردار کردیا

کراچی:  شہر قائد میں میٹرک کے امتحانات کا آغاز (منگل) سے ہوگا ، چیئرمین بورڈکے مطابق امتحانی مراکزمیں کسی بھی قسم کی ڈیوائس یاموبائل فون ضبط کرلیا جائے گا۔

تفصیلات کے مطابق چیئرمین ثانوی تعلیمی بورڈ غلام حسین سوہو کی جانب سے کہا گیا ہے کہ کراچی میں نویں،دسویں جماعت کیسالانہ امتحانات منگل سے شروع ہوں گے، نہم ودہم جماعت کے امتحانات کیلئے 499 امتحانی مراکز قائم کئے گئے ہیں۔

چیئرمین بورڈ نے کہا کہ ریگولر طلبا و طالبات کو ایڈمٹ کارڈ پورٹل پر آن لائن جاری کئیگئے اور امتحانی مراکزکی لسٹ بھی بورڈکی آفیشل ویب سائٹ پرجاری کی گئی ہے۔

انھوں نے بتایا کہ میٹرک کے امتحانات میں 3 لاکھ 75ہزار طلبا و طالبات سائنس وجنرل گروپ کے امتحانات دیں گے ، امتحانی مراکز پر بورڈ کے آفیسرز امتحانی پرچوں کی ترسیل پر مامور ہوں گے۔

غلام حسین سوہو نے طلبا کو خبردار کیا کہ امتحانی مراکزمیں کسی بھی قسم کی ڈیوائس یا موبائل فون ضبط کرلیا جائے گا۔

انہوںنے کہا کہ امتحانی مراکز اطراف میں فوٹواسٹیٹ کی مشینیں دوران امتحان بندرہیں گی اور امتحانات کی نگرانی کیلئیبورڈآفس میں رپورٹنگ سیل قائم کیاجائیگا۔