کراچی میں مزید دو زلزلے، تعداد 32 تک ہوگئی

کراچی میں جمعے کی صبح مزید دو زلزلے آئے جس کے بعد 6 روز میں آنے والے زلزلوں کی مجموعی تعداد 32 تک پہنچ گئی۔

زلزلہ پیما مرکز کے مطابق فالٹ لائن متحرک رہنے کی وجہ سے کراچی کے علاقے ملیر، لانڈھی، ڈی ایچ اے سمیت مختلف علاقوں میں شہریوں نے جمعے کی صبح زلزلے کے جھٹکے محسوس کیے۔

ایکسپریس نیوز کے مطابق کراچی میں یکے بعد دیگرے 2 زلزلے ریکارڈ کیے گئے،  ایک زلزلے کا مرکز ڈی ایچ اے اور دوسرے کا مرکز ضلع ملیر تھا۔ جن کی شدت 2.1 اور 2.3 ریکارڈ کی گئی ہے جبکہ گہرائی بالترتیب 12 اور 15 کلومیٹر زیر زمین تھی۔