کراچی میں سہ روزہ تبلیغی اجتماع اختتام پذیر، لاکھوں افراد کی شرکت

Webdesk
|
16 Feb 2025
کراچی: عالمی تبلیغی جماعت کے تحت منگھو پیر کے علاقے اورنگی ٹاون گلشن بہار میں سہ روزہ کراچی تبلیغی اجتماع اتوار کو دعا کے ساتھ اختتام پزیر ہوا۔
اجتماع میں لاکھوں افراد شریک تھے جبکہ اتوار کی صبح بھی دعا میں شریک ہونے کے لیے شہر بھر سے بڑی تعداد میں لوگ قافلوں کی شکل میں شریک ہوئے۔ اتوار کو بعد فجر ڈاکٹر سلیم کا خصوصی بیان ہوا۔
اجتماع میں ہدایات مولانا ضیا الحق دیں ۔اجتماع کے اختتام پر خصوصی دعامولانا احمد بٹلہ نے کرائی۔ اجتماع سے خطاب کرتے ہوئے علما کرام نے کہا کہ ہم سب اپنی زندگی اسلامی اصولوں کے مطابق گزاریں۔
دنیا کے بجائے آخرت کی تیاری کریں۔ نماز ہی گناہوں سے روکتی یے۔حلال روزی کمانا معاشی مسائل کا حل ہے۔آج کل ہر دوسرا شخص معاشی مسائل کا شکار نظر آتا ہے۔اسلامی معاشی نظام مالیاتی مسائل کا حل ہے۔
اپنی زندگی میں ایک دوسرے کا احساس کریں۔سب کے حقوق کا خیال کریں۔دین کے احکامات پر چلیں تو کامیابی کا راستہ نظر آئے گا۔اپنی زندگی میں دین کے لیے وقت نکالیں۔دعوت تبلیغ کو پھیلائیں۔فضول کاموں سے بچیں۔
اس زندگی کا ایک لحمہ قیمتی ہے۔اس کو ضائع نہ کریں.آپ اپنی پریشانی کا حل کے لیے رب سے رجوع کریں۔وہ ہی کائنات کا مالک ہے۔وہ ہمارے مسائل کو حل اور حاجات کو پورا فرمائے گا۔
اجتماع میں اسلام کی سربلندی، انسانیت کی فلاح، پاکستان کی سلامتی اور بقا اور لوگوں کے مسائل کے لیے خصوصی دعا بھی گئی۔ اجتماع پر ایک ہزار سے زائد ایک سال، چار ماہ، ایک چلے اور سہ روزے کے تبلیغی قافلوں کی تشکیل ہوئی۔
Comments
0 comment