کے الیکٹرک بلوں میں میونسپل چارجز کی وصولی پر سندھ ہائیکورٹ ان ایکشن

سندھ ہائیکورٹ نے کے الیکٹرک بلوں میں میونسپل ٹیکس وصولی پر میئر کراچی سمیت متعلقہ حکام کو نوٹس جاری کردیے۔

سندھ ہائیکورٹ میں کے الیکٹرک کے بلوں میں میونسپل ٹیکس کی وصولی سے متعلق اپوزیشن لیڈر سیف الدین ایڈوکیٹ کی درخواست پر سماعت ہوئی ۔

درخواست گزار کے وکیل عثمان فاروق ایڈوکیٹ نے موقف دیا کہ کے الیکٹرک کی کارکردگی، بجلی کی قیمتوں میں اضافے اور اور بلنگ سے پریشان ہے، اب بجلی کے بلوں میں میونسپل ٹیکس بھی شامل کردیا گیا ہے۔ 

انہوں نے بتایا کہ مئیر کراچی مرتضیٰ وہاب کی جانب سے لگائے میونسپل ٹیکس کو غیر قانونی قرار دیا جائے، مئیر کراچی اور کے الیکٹرک کے درمیان ہونے والے معاہدے کو کالعدم قرار دیا جائے۔ 

عدالت نے مئیر کراچی اور دیگر فریقین کو نوٹس جاری کرتے ہوئے فریقین سے 27 اگست کو جواب طلب کرلیا۔