کے پی کے میں گورنر راج نافذ ہونے کا امکان

پشاور:خیبرپختونخوا میں گورنر راج نافذ ہونے کا امکان ہے، گورنر راج کے لیے فیصل کریم کنڈی کو رکھنے یا ان کی جگہ نیا گورنر لانے کی تجویز پر غور کیا جارہا ہے، متوقع نئے گورنر کے لیے تین سابق فوجی افسران اور تین سیاسی شخصیات کے نام سامنے آگئے۔

ذرائع کا کہنا ہے کہ گورنر خیبرپختونخوا کے لیے 6 ناموں پر غور کیا جارہا ہے جس میں تین سیاسی شخصیات اور تین سابق فوجی افسران شامل ہیں۔

رپورٹس کے مطابق سیاسی شخصیات میں امیر حیدر خان ہوتی، آفتاب شیر پا اور پرویز خٹک کے نام زیر غور ہیں۔

اس کے علاوہ گورنر کے عہدے کیلئے سابق کور کمانڈر پشاور لیفٹیننٹ جنرل (ر) خالد ربانی، لیفٹیننٹ جنرل(ر)غیور محمود اور لیفٹیننٹ جنرل(ر)طارق خان کے نام بھی زیر غور ہیں۔