خیبرپختونخوا: نگراں دور حکومت میں بھارتی کیے گئے ملازمین کو فارغ کرنے کا حکم

 خیبر پختونخوا میں نگراں دور حکومت میں بھرتی کیے گئے تمام ملازمین کو فارغ کرنے کے احکامات جاری کر دیے گئے۔

ملازمین کی نوکری ختم کرنے کا سرکلر اسٹیبلشمنٹ ڈویژن کی جانب سے جاری کردیا گیا ہے،حکم نامے میں تمام محکموں کے انتظامی سیکرٹریز کو ہدایت کی گئی ہے کہ صوبائی حکومت اور الیکشن کمیشن کے جاری کردہ احکامات کی روشنی میں نگراں دور حکومت میں بھرتی کیے گئے ملازمین کو 18 جنوری سے فارغ کرنا لازمی ہے۔

 محکموں کو ہدایت کی گئی ہے کہ وہ اپنے اپنے متعلقہ میں جتنے بھی ملازمین بھرتی ہوئے ہیں انہیں 30 دنوں کے اندر اندر فارغ کر دیں اور اسٹیبلشمنٹ کی طرف سے جاری کردہ احکامات پر عمل کو یقینی بنایئں۔

اس سے قبل وفاقی کابینہ نے نگراں دور حکومت میں بھارتی کیے گئے ملازمین کو نکالنے کی منظوری دی تھی۔