لڑکیوں کے ایک اور اسکول میں خوفناک دھماکا

خیبرپختونخوا کے ضلع جنوبی وزیرستان میں نامعلوم افراد نے لڑکیوں کے اسکول کو خوفناک بم کے دھماکے سے اڑا دیا۔

جنوبی وزیرستان لوئر وانا ڈبکوٹ میں نامعلوم افراد نے ایک گرلز اسکول کو بموں سے اڑا دیا۔

زرائع کے مطابق دھماکہ واوا گرلز اسکول سرکی کوٹ کے اندر ہوا، جس میں خوش قسمتی سے کوئی جانی نقصان نہیں ہوا ہے جبکہ سکول کو کافی نقصان پہنچا ہے۔

واقعے کے بعد پولیس اور سیکیورٹی فورسز کی بھاری نفری جائے وقوعہ پر پہنچی اور شواہد اکھٹے کرلیے ہیں۔