مذہبی جماعت کا کراچی سے دھرنے ختم کرنے کا اعلان

مجلس وحدت المسلمین کے سربراہ علامہ راجہ ناصر عباس نے کراچی میں 8 روز سے جاری دھرنے ختم کرنے کا اعلان کردیا۔

نمائش چورنگی پر مظاہرین سے خطاب میں انہوں نے کہا کہ کرم امن معاہدہ طے ہوچکا ہے، کرم میں مظاہرین ادویات اور کانوائے پہنچنے پر مظاہرے میں بیٹھیں گے جبکہ ہم کراچی میں دھرنے ختم کررہے ہیں۔

انہوں نے کہا کہ ہمارے مظاہرین پر سندھ پولیس نے تشدد کیا، اگر بلاول نے تحقیقات نہ کروائی تو پھر مستقبل کے لائحہ عمل کا جلد اعلان کریں گے۔

انہوں نے کہا کہ کراچی سے لیکر گلگت بلتستان تک دھرنے جاری تھے، عالمی دنیا میں دھرنے ہوئے، خواتین بچوں بوڑھوں نے بھی احتجاج کیا، کراچی میں امن پسند لوگوں پر گولیاں فاشسٹ وزیر اعلیٰ اور وزیر داخلہ نے چلائیں۔

راجا ناصر عباس نے کہا کہ بلاول بھٹو اور پی پی پی کے چہرے پر کالک مل دی گئی، شبیہ حیدر زیدی سمیت کسی کا خون رائیگاں نہیں جانے دیں گے، اہل تشیع و اہل سنت میڈیا سب کا شکریہ ادا کرتا ہوں۔

انہوں نے کہا کہ صوبائی حکومت نیو ایئر نائٹ پر جشن کی بجائے لاشیں گرائی گئیں۔