مدارس بل کے معاملے پر حکومت نے فضل الرحمان کے آگے گھٹنے ٹیک دیے

حکومت اور جے یو آئی کے درمیان مدارس بل پر مذاکرات کامیاب ہوگئے جبکہ وزیراعظم نے جلد گزٹ نوٹی فکیشن جاری کرنے کا عندیہ دیا یے۔

مدارس بل کے معاملے پر فضل الرحمان نے وزیر اعظم ہاؤس میں وفد کے ہمراہ شہباز شریف سے ملاقات کی۔

ملاقات میں مدارس بل کے معاملے پر مذاکرات کامیاب ہوئے جبکہ نوٹی فکیشن جلد جاری ہونے پر اتفاق کیا گیا۔

 وزیراعظم نے وزارت قانون کو آئین اور قانون کے مطابق نوٹی فکیشن جاری کرنے کی ہدایت کی۔

جے یو آئی وفد میں مولانا عبدالغفور حیدری، سینیٹر کامران مرتضیٰ، مولانا اسعد محمود بھی ان کے ساتھ تھے۔

وزیر اعظم شہباز شریف کے ساتھ اسپیکر قومی اسمبلی ایاز صادق، اسحاق ڈار، اعظم نذیر تارڑ اور عطا تارڑ، رانا ثناءاللہ، پیپلز پارٹی کے راجہ پرویز اشرف، قمر زمان کائرہ بھی شریک ہوئے اور اٹارنی جنرل منصور عثمان بھی موجود تھے۔