مدارس رجسٹریشن ایکٹ کیا ہے؟ جانیے

صدر مملکت کی جانب سے سوسائٹیز ایکٹ کو منظور کرلیا گیا ہے جس کے بعد مدارس رجسٹریشن بل اب قانون بن گیا ہے۔

سوسائٹیز ایکٹ 2024کیا ہے؟

سوسائیٹیز ایکٹ 2024 کے اجرا سے پہلے تمام غیر رجسٹرڈ مدارس کو 6 ماہ میں رجسٹریشن کرانا ہوگی جبکہ 2024 کے بعد قائم ہونے والے مدارس کی رجسٹریشن ایک سال میں لازمی ہوگی۔

ایکٹ کے تحت ہر مدرسے کو اپنی تعلیمی و مالیاتی سرگرمیوں کی آڈٹ رپورٹ متعلقہ رجسٹرار کے پاس جمع کرانا ہوں گی۔ کسی نام سے کوئی ایک مین مدرسہ رجسٹرڈ ہوگا تو اس کی ہر برانچ کو الگ رجسٹریشن کرانے کی ضرورت نہیں ہوگی۔

ایکٹ کے تحت مدرسہ میں عسکری و فرقہ وارانہ اور نفرت پر مبنی نصاب یا مواد پڑھانے کی اجازت نہیں ہوگی جبکہ تقابل ادیان پڑھانے جاسکیں گے۔ 

مدارس اپنے وسائل کے مطابق مرحلہ وار عصری مضامین کا اجرا بھی کریں گے جبکہ سوسائٹیز ترمیمی ایکٹ 2024کے تحت رجسٹرڈ مدارس کو کسی اور قانون کے تحت رجسٹریشن کی ضرورت نہیں ہوگی۔