شوال کا چاند نظر آگیا، کل عید الفطر منائی جائیگی

پاکستان میں شوال کا چاند نظر آگیاہے ،ملک بھر میں عید الفطر کل منائی جائے گی۔

ذرائع کے مطابق شوال کے چاند کی رویت اور عیدالفطر کا باضابطہ اعلان مرکزی رویت ہلال کمیٹی کے سربراہ مولانا عبد الخبیر آزاد نے کیا۔

مولانا عبد الخبیر آزاد کے مطابق ملک بھر سے چاند نظر آنیکی شہادتیں موصول ہوئیں۔

واضح رہے کہ پاکستان میں بوہری کمیونٹی بھی آج عید الفطر منا رہی ہے جبکہ عوامی نیشنل پارٹی کے سربراہ ایمل ولی خان نے بھی آج عید منانے کا اعلان کر رکھا ہے۔

متحدہ عرب امارات اور سعودی عرب سمیت مختلف خلیجی ممالک میں عیدالفطر منائی جا رہی ہے جبکہ برطانیہ اور کینیڈا سمیت یورپ کے مختلف ممالک میں عید 31 مارچ کو ہونے کی توقع ہے۔