مریم نواز سوشل میڈیا پر کیوں تنقید کی زد میں آگئیں؟

وزیراعلی پنجاب مریم نواز شریف کی ایک ویڈیو وائرل ہو رہی ہے جس میں وہ یوم آزادی پر علامہ اقبال کے مزار پر حاضری کے دوران کتاب میں اپنے خیالات لکھتے ہوئے اردو میں لکھنے کے لیے جدوجہد کرتی دکھائی دے رہی ہیں۔

سوشل میڈیا وزیر اعلی کی اردو لکھنے کی مہارت سے متاثر نظر نہیں آیا اور ویڈیو آن لائن شیئر ہوتے ہی انہیں ٹرول کرنا شروع کر دیا۔

قبل ازیں یوم آزادی کے موقع پر حضوری باغ میں ایک تقریب سے خطاب کرتے ہوئے مریم نے 77ویں یوم آزادی پر قوم کو آزادی کی نعمت ملنے پر مبارکباد دی۔

انہوں نے فلسطینیوں کو ظلم و جبر کا نشانہ بنائے جانے پر روشنی ڈالی اور ان کی آزادی کے لیے دعا کی۔

انہوں نے اولمپک گولڈ میڈلسٹ ارشد ندیم کی تعریف کی اور محنت اور لگن کی ضرورت پر زور دیا۔مریم نواز نے اصرار کیا کہ ٹیلنٹ کو پروان چڑھانا چاہیے کیونکہ پاکستان میں ٹیلنٹ کی کوئی کمی نہیں ہے۔