مصطفی عامر قتل کیس، معروف اداکار کا بیٹا سنگین الزام میں گرفتار

مصطفیٰ عامر قتل کیس کی تفتیش کے دوران پولیس نے کراچی کے علاقے کراچی ڈیفنس میں منشیات کی خرید و فروخت کے ایک بڑے نیٹ ورک کے خلاف ایکشن لیتے ہوئے معروف اداکار کے بیٹے سمیت کئی افراد کو گرفتار کیا ہے۔

ذرائع کے مطابق تفتیشی ٹیم نے ارمغان اور شیراز اکے انکشافات کی روشنی میں منشیات کے نیٹ ورک پر بھی گھیرا تنگ کیا ہے جس کے تحت ساجد حسن کے بیٹے کو بھی حراست میں لیا گیا۔

پولیس کے مطابق، کراچی ڈیفنس میں رہائش پذیر کئی معروف شخصیات کے بچے منشیات کی تجارت میں ملوث پائے گئے ہیں۔

مصطفی عامر کیس، جو ملک کی تاریخ کے ہائی پروفائل کیسز میں سے ایک بن چکا ہے، میں مزید بڑے ناموں کے سامنے آنے کے امکانات ہیں۔

پولیس کی جانب سے جاری اپریشن میں مزید گرفتاریاں ہو سکتی ہیں، جبکہ تفتیش جاری ہے۔

ذرائع کے مطابق پولیس نے ساجد حسن کے بیٹے ساحر حسن کو گرفتار کیا ہے۔