'مثبت پیشرفت' : بیرسٹر گوہر کی آرمی چیف سے ملاقات

پاکستان تحریک انصاف (پی ٹی آئی) کے چیئرمین بیرسٹر گوہر علی خان نے اعتراف کیا کہ انہوں نے وزیراعلیٰ خیبرپختونخوا (کے پی) علی امین گنڈا پور کے ساتھ پشاور میں آرمی چیف جنرل عاصم منیر سے ملاقات کی۔

اڈیالہ جیل کے باہر میڈیا سے بات کرتے ہوئے بیرسٹر گوہر نے اس بات کی تصدیق کی کہ پی ٹی آئی کے تحفظات آرمی چیف کو پیش کیے گئے، انہوں نے ملاقات کو مذاکرات کیلیے "خوش آئند اشارہ" قرار دیا۔

 انہوں نے کہا کہ اسٹیبلشمنٹ کے ساتھ براہ راست مذاکرات خوش آئند ہیں۔ "دوسری طرف سے ایک مثبت پیشرفت ہے۔"

 اس سے قبل وزیراعلیٰ کے پی علی امین گنڈا پور نے بھی جنرل عاصم منیر سے ملاقات کا انکشاف کیا تھا۔

 اس کے علاوہ، پاکستان تحریک انصاف (پی ٹی آئی) نے حکومت کے ساتھ مذاکرات کے تیسرے دور کے دوران اپنے مطالبات کا چارٹر تحریری طور پر پیش کیا۔

 چارٹر میں دو انکوائری کمیشن بنانے کا مطالبہ کیا گیا، جن کی سربراہی سپریم کورٹ کے چیف جسٹس یا تین سینئر ججز کریں گے، جن کا تقرر پی ٹی آئی اور حکومت کے اتفاق رائے سے کیا جائے گا۔

پی ٹی آئی نے زور دیا کہ کمیشن کھلی کارروائی کریں اور سات دن میں تشکیل دی جائیں۔