مون سون بارشوں سے متعلق محکمہ موسمیات کا اہم بیان

محکمہ موسمیات کا کہنا ہے کہ مون سون ہوائوں کے باعث آج سے بدھ تک ملک میں شدید بارشیں ہوں گی۔

بیان میں کہا گیا کہ مون سون سسٹم کے سبب بھمبرآزادکشمیر میں موسلا دھار بارش ہوئی جس کی وجہ سے برساتی نالوں میں طغیانی آگئی۔

محکمہ موسمیات کے مطابق آج کشمیر، اسلام آباد، پنجاب اور بالائی خیبرپختونخوا میں بارش متوقع ہے۔

ادھر گجرات میں تیز ہواں کے ساتھ بارش ہوئی، نشیبی علاقے زیرآب آ گئے اور سڑکوں اور گلیوں میں پانی جمع ہوگیا۔

عمر کوٹ، بدین ،سانگھڑ، میرپورخاص اوردیگر ساحلی علاقوں میں مطلع جزوی ابرآلود رہنے کے علاوہ چند مقامات پرگرج چمک کے ساتھ بارش کا امکان ہے جبکہ کراچی میں کل سے بارش کی پیش گوئی کی گئی ہے۔