میٹرک بورڈ کراچی کے نتائج کا اعلان، 28 سال بعد گورنمنٹ اسکول کے طالب علم کی پہلی پوزیشن

ثانوی تعلیمی بورڈ کراچی (BSEK) نے سیکنڈری اسکول سرٹیفکیٹ SSC پارٹ II (میٹرک) - سائنس گروپ (ریگولر) سال 2024 کے نتائج کا اعلان کر دیا ہے۔

سال 24 کے نتائج میں 28 سال بعد سرکاری اسکول کے طالب علم نے اول 

 دہلی گورنمنٹ بوائز سیکنڈری اسکول کریم آباد کے طالب علم حافظ عبدالرفیع نے 94.55 فیصد نمبر کے ساتھ یہ شاندار کارنامہ انجام دیا۔ 

 شمسی سوسائٹی پرائیویٹ سکول سے رومیسہ عمران اور نارتھ ناظم آباد پرائیویٹ سکول کی رخسار عبداللہ نے بالترتیب دوسری اور تیسری پوزیشن حاصل کی۔ 

 بورڈ کی طرف سے جاری کردہ نوٹیفکیشن کے مطابق، رومیسہ نے 94.27 فیصد جبکہ رخسار نے 93.18 فیصد نمبر حاصل کئے۔

 یہ کامیابی خاص طور پر اہم ہے کیونکہ آخری بار 1996 میں ایک سرکاری اسکول کے طالب علم نے میٹرک کے امتحانات میں ٹاپ کیا تھا، جب دہلی گورنمنٹ بوائز اسکول کے امتیاز نے ٹاپ پوزیشن حاصل کی تھی۔

 BSEK کے مطابق، اس سال 163,012 امیدوار امتحانات کے لیے رجسٹرڈ ہوئے، جن میں سے 162,026 حاضر ہوئے اور 131,614 کامیابی کے ساتھ تمام پیپرز کو کلیئر کیا۔ کامیابی کا مجموعی تناسب 81.23 فیصد رہا۔