ن لیگ اور پی ٹی آئی حامیوں کے درمیان شادی مشکل کام ہے، 54 فیصد نوجوانوں کا مؤقف

گیلپ پاکستان کے ایک سروے کے مطابق تقریباً 44 فیصد پاکستانیوں کا خیال ہے کہ مختلف سیاسی نظریات رکھنے والے افراد کے درمیان شادی مشکل ہے۔

سروے میں مخالف سیاسی خیالات کے حامل خاندانوں اور ووٹروں کے درمیان تعلقات کو برقرار رکھنے کے چیلنجوں پر روشنی ڈالی گئی، خاص طور پر پی ٹی آئی، مسلم لیگ ن اور دیگر حریف جماعتوں کے حامیوں کے درمیان دوری کی وجہ کے بارے میں لوگوں کی رائے لی گئی۔

سروے کے نتائج سے یہ بات سامنے آئی کہ 48 فیصد خواتین اور 40 فیصد مرد مختلف سیاسی جماعتوں کے حامیوں کے درمیان تعلقات کو چیلنجنگ سمجھتے ہیں۔ اسی طرح، 49 فیصد دیہی آبادی اور 35 فیصد شہری باشندے اس خیال سے متفق ہیں۔

قابل ذکر بات یہ ہے کہ سیاسی اختلافات کی بنیاد پر تعلقات میں مشکلات کا تصور نوجوانوں میں سب سے زیادہ ہے، 30 سال تک کی عمر کے 56 فیصد جواب دہندگان کا خیال ہے کہ مختلف سیاسی خیالات رکھنے والے لوگوں کے درمیان شادی مشکل ہے۔

سروے میں انکشاف ہوا ہے کہ سیاسی اختلافات ملک میں شادی اور سماجی ہم آہنگی میں رکاوٹیں پیدا کر سکتے ہیں۔