پنجاب اسمبلی میں ہتک عزت قانون پیش

پنجاب اسمبلی میں ہتک عزت کا قانون پیش کرلیا گیا جسے اسپیکر نے متعلقہ کمیٹی کو ارسال کردیا۔

تفصیلات کے مطابق   پنجاب اسمبلی میں پنجاب حکومت کی جانب سے ہتک عزت قانون 2024 پیش کردیا گیا ہے، جس کو متعلقہ کمیٹی کو ارسال کردیا گیا ہے۔

ذرائع کے مطابق   کمیٹی اپنی سفارشات آئندہ دو روز میں پیش کرے گی جس کے بعد بل کو  صوبائی اسمبلی مین منظوری کیلیے بھیجا جائے گا۔

اسمبلی سے منظوری کے بعد بل کا اطلاق صوبے میں فی الفور کردیا جائے گا۔

ذرائع کے مطابق ہتک عزت قانون کی منظوری کے بعد اس حوالے سے سخت قوانین بنائے جائیں گے اور قید و بڑے جرمانے بھی عائد کیے جائیں گے۔