پی ٹی آئی کیخلاف کارروائی کیلیے پیکا عدالتوں کا قیام

وفاقی حکومت نے پی ٹی آئی کیخلاف کارروائی کیلیے پیکا ایکٹ کی خصوصی عدالتیں تشکیل دے دیں۔

تفصیلات کے مطابق وفاقی حکومت نے پیکا ایکٹ کے تحت ٹرائل کیلیے اسلام آباد میں خصوصی عدالتوں کا قیام کردیا جبکہ رؤف حسن اور دیگر کا ٹرائل بھی ان عدالتوں میں ہونے کا امکان ہے۔

ذرائع کے مطابق سیکرٹری اطلاعات پی ٹی آئی روف حسن اور دیگر کا ٹرائل پیکا ایکٹ کے نئی قائم عدالتوں میں ہونے کا امکان ہے۔  

عدالتوں کی تشکیل کے بعد ایڈیشنل ڈسٹرکٹ اینڈ سیشن ججز، سول جج ایسٹ اینڈ ویسٹ کو ٹرائل کا اختیار دے دیا گیا ہے، دیگر صوبوں میں متعلقہ ہائیکورٹس کے چیف جسٹس صاحبان کی مشاورت سے ججز نامزد ہوں گے۔