اقرار الحسن کے گھر پر فائرنگ، نائن ایم ایم کے خول برآمد

لاہورکے علاقے ڈیفنس سی میں اینکر پرسن اقرار الحسن کے گھر کے قریب نامعلوم افراد نے چند منٹوں کے وقفے سے ہوائی فائرنگ کی ہے۔

اقرار الحسن نے یہ بھی دعویٰ کیا کہ ایک ہفتے قبل بھی اسی طرح فائرنگ کی گئی تھی۔ انہوں نے واقعے سے متعلق پولیس کو اطلاع دی تو ایس پی کینٹ کی سربراہی میں نفری وہاں پہنچی۔

پولیس کے مطابق جائے وقوعہ سے نائن ایم ایم پستول کے خول ملے ہیں جبکہ فائرنگ سے کوئی نقصان نہیں ہوا۔ اقرار الحسن نے واقعے کے حوالے سے متعلقہ ڈیفنس سی تھانے میں بھی درخواست جمع کرادی۔

ایس پی کینٹ نے کہا کہ واقعے کی تفتیش کررہے ہیں، کلوز سرکٹ کیمروں کی مدد لی جارہی ہے ۔