قاسم اور سلیمان کو گرفتار کرنے کی دھمکی پر جمائما میدان میں آگئیں

عمران خان کی سابق اہلیہ جمائما گولڈ اسمتھ نے اپنے بیٹوں اور عمران خان کے درمیان رابطے کی کمی پر مایوسی کا اظہار کرتے ہوئے ایکس پر اپنی تشویش کا اظہار کیا۔

انہوں نے لکھا، "میرے بچوں کو اپنے والد عمران خان سے فون پر بات کرنے کی اجازت نہیں دی جا رہی۔ وہ تقریباً دو سال سے تنہائی میں قید میں ہیں۔"

انہوں نے مزید کہا کہ "پاکستان کی حکومت نے اب کہا ہے کہ اگر وہ وہاں جا کر اپنے والد سے ملنے کی کوشش کریں گے، تو انہیں بھی گرفتار کر لیا جائے گا اور جیل میں ڈال دیا جائے گا۔ یہ جمہوری یا ایک فعال ریاست میں نہیں ہوتا۔ یہ سیاست نہیں، بلکہ ذاتی دشمنی ہے۔"

ان کے اس بیان کے بعد، بیٹوں کی پاکستان آمد اور ان کے والد کی قید کی صورتحال پر عالمی توجہ بڑھ گئی ہے، جہاں ان کا کہنا ہے کہ عمران خان کو غیر انسانی حالات میں رکھا جا رہا ہے۔