اسلام آباد ہائیکورٹ نے حساس ادارے کے اہلکاروں پر پابندی عائد کردی

اسلام آباد ہائی کورٹ نے خفیہ اداروں سے منسلک اہلکاروں کے عدالت میں داخلے پر پابندی عائد کردی۔

تفصیلات کے مطابق جسٹس طارق محمور جہانگیری نے خفیہ اداروں سے منسلک اہلکاروں کے عدالت میں داخلے پر پابندی عائد کرنے کا حکم جاری کیا۔

کمرہ عدالت کے باہر تعینات پولیس اہلکار نے اس بات کی  تصدیق کی جبکہ عدالتی عملے نے بھی نوٹس چسپاں کردیا۔

پولیس اہلکار نے بتایا کہ عدالت کی ہدایت ہے کہ خفیہ اداروں سے منسلک افراد کو کمرہ عدالت میں داخل نہیں ہونے دیا جائے۔