ٹرین مسافروں کیلیے بری خبر

ریلوے مسافروں کیلیے بری خبر یہ ہے کہ محکمے نے پیٹرولیم مصنوعات کی قیمتوں میں اضافے کے بعد کرایوں میں اضافہ کردیا۔

تفصیلات کے مطابق محکمہ ریلوے نے حالیہ پیٹرولیم مصنوعات کی قیمتوں میں اضافے کو بنیاد بناکر تمام کیٹگریز کے مسافروں کیلیے کرایہ بڑھا دیا۔

اس حوالے سے کرایوں میں اضافے کا نوٹی فکیشن بھی جاری کردیا گیا ہے جس کے مطابق نئے کرایوں کا اطلاق پانچ فروری سے ہوگا۔

محکمہ ریلویز کے مطابق ٹرین کی تمام کلاسز کے ٹکٹ میں 5 فیصد اضافہ ہوگا۔کرایوں میں اضافے کا اطلاق سلون سروس اور تمام آؤٹ سورس ٹرینوں پر بھی ہوگا۔