وفاقی کابینہ میں توسیع کردی گئی، ایوان صدر میں حلف برداری

اسلام آباد : وفاقی کابینہ میں 2 درجن سے زائد نئے ارکان شامل ہوگئے۔ ارکان نے ایوان صدر میں ہونے والی تقریب میں حلف اٹھالیا۔

ذرائع کے مطابق ایوان صدر میں نئے وفاقی وزرا کی حلف برداری کی تقریب ہوئی جہاں صدر مملکت آصف علی زرداری نے نئے وفاقی وزرا سے حلف لیا۔

ذرائع کے مطابق حلف برداری کی تقریب میں وزیراعظم شہباز شریف اور دیگر وفاقی وزرا موجود تھے۔

وفاقی کابینہ میں مزید 13 وزرا اور 11 وزرائے مملکت کی شمولیت ہوئی ہے، جس کے بعد وفاقی کابینہ کی مجموعی تعداد 31 ہوگئی ہے۔

حلف اٹھانے والے وفاقی وزرا میں معین وٹو، مصطفی کمال، سردار یوسف، علی پرویز، حنیف عباسی، ڈاکٹر طارق فضل چوہدری، شزہ فاطمہ، جنید انور، خالد مگسی، پیر عمران شاہ، اورنگزیب کھچی، رانا مبشر، رضا حیات ہراج شامل ہیں۔

حلف اٹھانے والے وزرائے مملکت میں طلال چوہدری، کھیئل داس، رحمان کانجو، بلال کیانی، بیرسٹر عقیل ملک، ملک رشید، ارمغان سبحانی، مختار بھرت، شذرہ منصب، انور چوہدری، وجیہہ قمر شامل ہیں۔

اس کے علاوہ توقیر شاہ اور محمد علی سمیت وزیر اعظم کے 3 مشیروں نے بھی اپنے عہدے کا حلف اٹھالیا۔