آئینی بینچ نے عمران خان کی سن لی، بڑی خبر

سپریم کورٹ کے آئینی بینچ نے عام انتخابات میں دھاندلی سے متعلق بانی پی ٹی آئی کی آئینی درخواست سماعت کیلئے مقرر کردی۔

بانی پی ٹی آئی نے عام انتخابات میں دھاندلی کی درخواست شیر افضل مروت کی وساطت سے سپریم کورٹ آئینی بینچ میں دائر کروائی تھی۔

 سپریم کورٹ کا 7 رکنی آئینی بینچ 7 جنوری کو کیس کی سماعت کرے گا۔

اس کے علاوہ آئینی بینچ نے لاپتہ افراد کیس کو سماعت کیلئے مقرر کردیا جس پر 8 جنوری کو 7 رکنی بینچ سماعت کرے گا۔

علاوہ ازیں سپریم کورٹ میں فوجی عدالتوں میں سویلین کے ٹرائل سے متعلق کیس کی سماعت7 جنوری کو ہوگی۔  فوجی عدالتوں میں شہریوں کے ٹرائل کا کیس سماعت کے لیے مقرر کردیا گیا ہے۔

جسٹس امین الدین کی سربراہی میں7 رکنی آئینی بینچ 7 جنوری کو کیس کی سماعت کرےگا۔