عمران خان، نواز شریف اور فضل الرحمان سمیت دیگر شخصیات کے اکاؤنٹس کہاں سے آپریٹ ہورہے ہیں؟

سماجی رابطے کی ویب سائٹ ایکس نے اپنے پلیٹ فارم پر موجود صارفین کی لوکیشن دکھانے کا نیا فیچر متعارف کراکر سب کو حیران کردیا ہے۔

رپورٹ کے مطابق نئے فیچر کے ذریعے صارفین اپنے علاوہ دوسروں کی پروفائلز پر جا کر یہ معلوم کرسکیں گے کہ کسی فرد یا اکاؤنٹ کی اصل لوکیشن کیا ہے،یہ فیچر صارفین کے بارے میں مزید معلومات ظاہر کرے گا تاکہ لوگ یہ جان سکیں کہ وہ پلیٹ فارم پر کس سے بات کر رہے ہیں۔

یہاں یہ یاد رہے کہ ایکس صارفین کو یہ بھی اختیار دیتا ہے کہ وہ اپنی لوکیشن ملک ظاہر کریں یا صرف علاقہ یا خطہ۔

ایکس پر مختلف صارفین نے بھی پاکستانی سیاستدانوں کے اکانٹس کی لوکیشن کے سکرین شاٹ شئیر کیے، سابق وزیر اعظم عمران خان کے ایکس اکاؤنٹ کا مقام غربی ایشیا بتا رہا ہے۔

اس کے علاوہ سابق وزیر اعظم اور مسلم لیگ ن کے صدر نواز شریف کا اکاؤنٹ یو اے ای میں رجسٹرڈ دیکھائی دیا۔اس کے علاوہ جے یو آئی رہنما مولانا فضل الرحمن کا اکانٹ جرمنی سے آپریٹ ہو رہا ہے۔