ایران امریکا معاہدہ 24 گھنٹوں میں ممکن، وزیراعظم نے خوشخبری سنادی

وزیراعظم شہباز شریف نے کہا ہے کہ امن معاہدے کو حتمی شکل دینے کے حوالے سے اہم پیش رفت ہوئی ہے اور امید ہے کہ آئندہ 24 گھنٹوں میں معاہدہ مکمل کر لیا جائے گا۔

وزیراعظم نے اپنے بیان میں کہا کہ معاہدہ طے پانے کے فوراً بعد اس پر الیکٹرانک دستخط کیے جائیں گے، جبکہ آئندہ ہفتے تکنیکی سطح کے مذاکرات بھی ہوں گے تاکہ معاہدے پر عملدرآمد کے معاملات کو حتمی شکل دی جا سکے۔

انہوں نے مذاکراتی عمل میں تعاون پر امریکا اور ایران کا شکریہ ادا کرتے ہوئے کہا کہ دونوں ممالک کی سفارتی کوششوں اور عزم نے اس پیش رفت میں اہم کردار ادا کیا ہے۔

شہباز شریف کا کہنا تھا کہ یہ امن معاہدہ خطے میں پائیدار امن، استحکام اور باہمی تعاون کے لیے ایک مضبوط بنیاد ثابت ہو سکتا ہے۔