بھارت میں 70 لاکھ صارفین کے واٹس ایپ اکائونٹ بند

نئی دہلی:سوشل میڈیا پلیٹ فارم واٹس ایپ نے بھارتیوں کے خلاف ایکشن لینا شروع کردیا ہے، جبکہ واٹس ایپ نے دھمکی بھی دے ڈالی ہے۔

غیر ملکی میڈیا رپورٹ کے مطابق واٹس ایپ نے پالیسی کی خلاف ورزی پر اپریل 2024 میں 71 لاکھ بھارتی اکائونٹس کو بند کر دیا ہے۔

میٹا کے پلیٹ فارم واٹس ایپ کی جانب سے بھارت میں ہر ماہ لاکھوں اکاونٹس بند کیے جانے کا انکشاف بھی ہوا ہے، جبکہ اپریل کے مہینے میں 71 لاکھ اکائونٹس بند کر دیے گئے ہیںجبکہ یہ اکائونٹس بند ہونے کی بڑی وجہ اسکیمنگ اور اکانٹس کی جانب سے پالیسیز کی خلاف ورزی شامل ہے۔

ساتھ ہی واٹس ایپ کی جانب سے اس بات کا بھی عندیہ دیا گیا ہے کہ پالیسیز کی خلاف ورزی پر مزید اکانٹس بھی بند کیے جائیں گے۔

ذرائع کے مطابق 71 لاکھ میں 13 لاکھ ایسے بھی اکانٹس تھے جنہیں شکایت موصول ہونے سے قبل ہی واٹس ایپ نے بند کر دیاجبکہ واٹس ایپ کی جانب سے مشکوک اکانٹس کی پہچان کے لیے جدید مشین لرننگ اور ڈیٹا اینالاٹکس کا استعمال کیا جا رہا ہے۔